كيف أتعلم البرمجة ؟ 

سورية الحدث _ متابعة 

المبرمج براء حباب يشرح ؟؟

اسئلة كتير وعدة اجوبة !
أولها كيف أتعلم البرمجة ؟ 
من وين لازم بلش؟
تعال أنا بخبرك خطوة بخطوة .. 

هلق أنت قدام عدة خيارت المطلوب منك تتعمق وتبحث وتحدد توجهك وهدفك.  
وتختار طريق وتمشي فيه حتى تصل للاحتراف ورح أعطيك راس الخيط وشو المجالات المطروحة قدامك :  

1-الويب : ويقسم الى تصميم الويب وبرمجة الويب . 
2- تطبيقات الهاتف
3- الألعاب
4-تطبيقات سطح المكتب 
5-برمجة القطع والألات الاكترونية 
وكتير من لمجالات لثانية 

- فرضاً أنت اخترت مجال الويب:  هالمجال كتير مترابط يعني رح بكون عندك خلفية عن التصميم ورح يكون في برمجة. ومن خلال هالمجال فيك تصمم صفحات ويب ومواقع ومنصات وشغلو كتير ممتاز 

- مجال تطبيقات الهاتف : بحر ولازم تاخد قارب وتمشي فيه , وبهاد المجال أنت قادر تصنع أي تطبيق بيخطر ببالك , وهالمجال من أكثر لمجالات شغالة بسوق العمل .
 
- وما بننسى المجال المحبوب والممتع ولي هوي مجال الألعاب : هاد بدو بال فاضي وخيال واسع , ولا تفكر أنه صعب بلعكس هاد من أسهل المجالات وأمتعها ومستقبلو كتير رائع وحلو .

- تطبيقات سطح المكتب : هاد كتير حلو وبفيد وبساعد بالأحيان على حل المشاكل , وعلى سبيل المثال عنا بالسوق العربية عدة برامج بسيطة وحلوة
مثلاً : برنامج لحساب أرباح وخسائر محل تجاري , أو مشفى لحجز مواعيد المرضى  , وكتير من لبرامج المشهورة والحلوة .

- وأخر شي وأروع شي مجال الآلات و القطع الألكترونية : وهاد كتير مجال عملي وملموس , بتقدر من خلالو تعمل أي قطعة الكترونية تفيد بالغرض وما بننسى أنو هالمجال مربوط وبشكل كبير بالروبوتات .