مابعرف مسح جوخ بقلم الشاعرة لبانة هاني حسن

ما بعرف مسّح جوخ
صعبانة عليي المهنة..

بوابك خشبها منفوخ
بحكيلا بس ب تسمعني..

بعرف من قبل مَ تبوح
خيالك بالهوى يلوح
ت ياخد إذن مني...

فكرك رح زعل خاطرو ؟!
يطلّ وما حدا ناطرو  ؟
ع شبابيك الملعنة..

صار مرة و خيبتو !؟ 
أو من حكي زاعلتو !
سمعان غلط عني...

ما اذني متل قلّتو
عرفان ل عمري علّتو
عم تضحك من قفا ظنّي...!!

حكياتك ما بدهن ذكا
لو اصبع ع زندي اتكا
بعرفك شو متمني...

سمعان غلط عني...

عادي القصة معذورة
ذكرى و غازلت صورة
فيها الوقت مستني....

بحياتك،صدقت؟
ولا عدلك شو قلتْ! ؟
ل تشوف الهوى
اللي عنو غفلتْ 
كيف صغلي الوما 
ت علمني..!

عم تضحك من قفا ظنّي!؟
ولّا عم تغازل
عم يحكوا... انك قايل
الضحكة ع البعض جنة... 

#Lobana_hani_hasan
#DAMAS_Gasmine
#الياسمينة_الدمشقية