ولك ياشتي شوباك نازل ضرب
ولك خاف الله كسرت شباكي
ماضل طير يطيرجوا السرب
وفضيّت درب العشق من شاكي
شوباك طفشت الهدا ولك عيب
إيدي ع خدي من الصبح تاكي
مجنون متلي ياشتي بتحب
بتسقي الأرض من رمشك الباكي
شو عم تغازلني بكلام القلب
تراب الوطن مو حلو لولاكي
أمي ومتلي وقفي عالدرب
بلكي بيجي الفارس بيهواكي
قلتلها تحقيق حلمك صعب
تحت الشتي الفارس بينساكي....
يسرنا انضمامكم لقناتنا على تيلغرام : انقر هنا
